පුරනැගුම
| අරමුණ |
නිදන්ගත වකුගඩු රෝග ව්‍යාප්තව ඇති ප්‍රදේශ තුළ ජල සම්පාදන ව්‍යාපෘති වැඩි දියුණු කිරීම මඟින් රෝග ව්‍යාප්තිය අඩු කිරීම හා පළාත් පාලන ආයතනවල ධාරිතාවය වැඩි කිරීම හා ක්රියාකාරකම් ප්‍රති නිර්මාණය මඟින් වඩා කාර්යක්ෂම හා ඵලදායී සේවාවක් සැපයීම. |
| ණය ආධාර ලබාදෙන ආයතනය |
ආසියානු සංවර්ධන බැංකුව(ADB), ශ්‍රී ලංකා රජය (GOSL) |
| ව්‍යාපෘති කාලය |
2017 අප්‍රේල් සිට 2021 දෙසැම්බර් දක්වා |
| ක්‍රියාත්මක ප්‍රදේශ |
උතුරු මැද, වයඹ, මධ්‍යම, ඌව, දකුණ, බස්නාහිර |
ව්‍යාපෘතියේ ප්‍රධාන කාර්යයන්
- නිදන්ගත වකුගඩු රෝග නිවාරණය සඳහා පවුල් 40,000කට නව ජල සැපයුම් පහසුකම් සහ දැනට ජලය ලබන පවුල් 60,000ක් සඳහා පිරිසිදු පානීය ජලය නොකඩවා සැපයීම.
- වඩා හොඳ සේවා සැපයුමක් සඳහා ප්‍රාදේශීය යටිතල පහසුකම් වැඩිදියුණු කිරීම.
- වඩා හොඳ සේවා සැපයුමක් සඳහා ප්‍රාදේශීය යටිතල පහසුකම් වැඩිදියුණු කිරීම.
 නවගත්තේගම සතිපොළ |
නාවුල බහුකාර්ය ගොඩනැගිල්ල |
මහකොළඹ අපජල කළමනාකරණ
| අරමුණු |
කොළඹ මහා නගර සභා සීමාව තුළ කාර්යක්ෂම හා අඛන්ඩ ජල සැපයුමක් සහ විධිමත් අපජල සේවාවක් ලබාදීම |
| අරමුදල් මූලාශ්රය |
ආසියානු සංවර්ධන බැංකුව (ADB) , ශ්‍රී ලංකා රජය(GOSL) |
| ව්‍යාපෘති කාලය |
2010 - 2021 |
| ක්‍රියාත්මක ප්රදේශය |
කොළඹ මහ නගර සභා බල ප්රදේශය |
සංරචකය 01
කොළඹ මහ නගර සභාව තුල ගැටළු සහගත සහ අරබුදකාරි මල නාලිකා (10km) පුනරුත්ථාපනය සහ වැඩි දියුණු කිරීම ඇතුළුව තෝරාගත් මල නාලිකා සඳහා CCTV විමර්ශන දියත් කිරීම, තත්වය පිළිබඳ තක්සේරු වාර්තා ලබා ගැනීම.
සංරචකය 02
පොම්පාගාර ස්ථාන 06 ක් ඉදි කිරීම සහ 02 ක් වැඩිදියුණු කිරීම. කොළඹ මහා නගර සභාවේ ජල අපවහන කොට්ඨාශය වෙත SCADA පද්ධතිය හා සමිබන්ධ කොට නව ප්‍රධාන අධීක්ෂණ ඒකකය පිහිටුවීම. යාන්ත්‍රික හා විද්‍යුත් ක්‍රම ස්ථාපනය කරන ලද වැඩ ඒකකය ඉදිකිරීම සහ පීඩන නලමාර්ග ඉදිකිරීම.
ප්‍රධාන ක්රියාකාරකම්:
- කොළඹ මහා නගර සභා බලප්‍රදේශයෙහි අපජල පොම්පාගාර නවීකරණය කිරීම.
- ධාරිතාවය අඩු හඳුනාගත් අපජලමාර්ග නවීකරණය කිරීම. අපජලය ගැඹුරු මුහුදට මුදාහරිනු ලබන ප්‍රධාන නළ මාර්ගයන් නවීකරණය කිරීම.
- අපජල පවාහන පද්ධතිය නඩත්තු කිරීමට අවශ්‍ය යන්ත්‍රෝපකරණ කොළඹ මහ නගර සභා අපජල පවාහන අංශයට ලබාදීම
- කොළඹ මහනගරසභාවේ අපජල අංශයේ කාර්යය මණ්ඩලයේ ආයතනික හා හැකියා සංවර්ධනය
අපේක්ෂිත ප්‍රතිලාභ
- අපජල කළමනාකරණ සේවය වැඩිදියුණු කිරීම මගින් ජීවත්වීමට සුදුසු නාගරික පරිසරයක් නිර්මාණය
- කොළඹ නගරය තුළ සහ තදාසන්න පෙදෙස්හි ජීවත්වන ජනතාවට සෞඛ්‍ය සම්පන්න පරිසරයක් නිර්මාණය කිරීම තුළින් යහපත් ජීවන තත්ත්වයක් ලබාදීම.
- සමුද්‍රීය සහ ගොඩබිම් ජලයේ තත්ත්වය උසස් කිරීම
මහකොළඹ අපජල කළමනාකරණ වැඩිදියුණු කිරීමේ ආයෝජන වැඩසටහන - (GCWWMIIP)
| අරමුණු |
කොළඹ මහා නගර සභා සීමාව තුළ කාර්යක්ෂම හා අඛන්ඩ ජල සැපයුමක් සහ විධිමත් අපජල සේවාවක් ලබාදීම |
| අරමුදල් මූලාශ්රය |
අදියර - 2 : ආසියානු සංවර්ධන බැංකුව (ADB), ශ්‍රී ලංකා රජය(GOSL), යුරෝපා ආයෝජන බැංකුව (EIB)
අදියර - 3: ආසියානු සංවර්ධන බැංකුව (ADB), යුරෝපා ආයෝජන බැංකුව (EIB) |
| ව්‍යාපෘති කාලය |
අදියර 2: 2016 - 2020
අදියර 3: 2016 - 2022
|
| ක්‍රියාත්මක ප්රදේශය |
කොළඹ මහ නගර සභා බල ප්රදේශය |
කොළඹ මහා නගර සභා සීමාව තුළ කාර්යක්ෂම හා අඛණ්ඩ ජල සැපයුමක් සහ විධිමත් අපජල සේවාවක් ලබාදීම මහ කොළඹ ජල සහ අපජල කළමනාකරණ වැඩිදියුණුකිරීමේ ආයෝජන වැඩසටහනේ අපේක්ෂාවයි.
ආසියානු සංවර්ධන බැංකුවේ බහු කාර්යය සංවර්ධන ආයෝජන වැඩසටහන යටතේ දැනට ක්‍රියාත්මක වෙමින්ප වතින කොළඹ අපජල පවාහන පද්ධති‍යේ අලූ‍ත්වැඩියා කටයුතු ඉදිරියට සිදු කිරීමට හා කොළඹ ප්‍රදේශයේ ජල හා අපජල පහසුකම් වැඩිදියුණු කිරීමට සැපයෙන මුල්‍ය ප්‍රතිපාදන මගින් කොළඹ දකුණ ප්‍රදේශයේ ඉදිරි නව සංවර්ධන කටයුතුවලට සරිලන පරිදි අපජල පවාහන පද්ධති‍යක් ස්ථාපිත කිරීම, දැනට අපජල පහසුකම් නොලබන ප්‍රදේශ සඳහා අපජල පවාහන පද්ධති‍යක් ස්ථාපිත කිරීම සහ අපජලය මුහුදට මුදා හැරීමට පෙර පිරිපහදු කිරීම සිදු කිරීමට අපේක්ෂා කෙරේ. ශ්‍රි ලංකා රජය මේ සඳහා ආසියානු සංවර්ධන බැංකුවේ අරමුදල්වලට අමතරව පරිපූරක අරමුදලක් යුරෝපානු ආයෝජන බැංකුවෙන් ලබා ගැනීමට අපේක්ෂා කරයි.
ප්‍රාථමික සෞඛ්‍ය සත්කාර සේවා ඒකක සවිබල ගැන්වීමේ ව්‍යාපෘතිය (PSSP)
| අරමුදල් මූලාශ්රය |
ලෝක බැංකුව (WB), ශ්‍රී ලංකා රජය (GOSL) |
| ව්‍යාපෘති කාලය |
2018 ජුනි සිට 2023 දෙසැම්බර් දක්වා |
| ක්‍රියාත්මක ප්රදේශය |
සියළුම පළාත් ආවරණය කරමින් රට පුරා ක්‍රියාත්මක වේ |
ව්‍යාපෘති පසුබිම
ප්‍රාථමික සෞඛ්‍ය සත්කාර සේවා ඒකක සවිබල ගැන්වීමේ ව්‍යාපෘතිය ඇමෙරිකානු ඩොලර් මිලියන 200 ක් වන ලෝක බැංකු ණය ආධාර යටතේ සෞඛ්‍ය, පෝෂණ සහ දේශීය වෛද්‍ය සේවා අමාත්‍යාංශය සහ මෙම අමාත්‍යාංශය ඒකාබද්ධව ක්‍රියාත්මක කරන ව්‍යාපෘතියක් වන අතර, මෙම ව්‍යාපෘතිය 2018 වර්ෂයේ සිට 2023 වර්ෂයේ දෙසැම්බර් මස දක්වා ක්‍රියාත්මක වීමට නියමිතය.
මෙම ව්‍යාපෘතිය යටතේ ශ්‍රී ලංකාවේ සෑම පුරවැසියෙකුටම ගුණාත්මක ප්‍රාථමික සෞඛ්‍ය සේවාවක් සැපයීමට අවශ්‍ය ප්‍රවේශයන් හා යටිතල පහසුකම් නගා සිටුවීම සදහා අවශ්‍ය මූල්‍ය ප්‍රතිපාදන ලබා දී ම හා එම කාර්යයයන් මනා අධීක්ෂණයකට හා සම්බන්ධීකරණයට ලක් කිරීම මෙම අමාත්‍යාංශයේ පුමුඛ කාර්යයක් වන අතර, එමගින් ප්‍රාථමික සෞඛ්‍ය වැඩි දියුණු කොට එහි ප්‍රාදේශීය මට්ටමින් ඇති විෂමතාව අවමකිරීම අමාත්‍යාංශයේ අරමුණු අතර ප්‍රධාන වේ.
ව්‍යාපෘති සංවර්ධන අරමුණ (PDO)
ශ්‍රී ලංකාවේ ප්‍රාථමික සෞඛ්‍ය සේවාවේ ගුණාත්මක බව වර්ධනය කරමින් බෝනොවන රෝග අවධානම් ඇති ජන සංඛ්‍යාව හදුනාගෙන එම රෝග පාලනය කිරීම හා කළමානකාරණය කිරීම මෙම ව්‍යාපෘතියේ මූලික අරමුණ වේ.
ව්‍යාපාතියට සමගාමීව සිදුවන ප්‍රතිසංවිධානයන් හා සවිබල ගැන්වීම්
- ශ්‍රී ලංකාවේ සෑම පුරවැසියෙක්ම පදිංචිය අනුව ප්‍රාථමික වෛද්‍ය ආයතනයකට අනුයුක්ත කොට ගුණාත්මක වෛද්‍ය සේවාවක් ලබා දීම
- සෑම වැඩිහිටියෙකුටම පෞද්ගලික සෞඛ්‍ය වාර්ථාවක් ලබා දීම
- සියලු ප්‍රාථමික මට්ටමේ රෝහල් මගින් හදුනාගත් අත්‍යාවශ්‍ය පැකේජයක් ලබා දීම
- එම සේවාවන් සෑම ආයතනයකින්ම සමලෙස ලබා දීම සදහා සේවා ප්‍රමිතීන්, සේවා කොන්දේසි හා විධිමත් චර්යාවන්ගෙන් යුත් මූල ලේඛයන් (protocol) හදුන්වා දීම.
- සුව දිවි සේවාවන් හදුන්වා දීම
- ග්රාමීය රෝහල් සහ සෞඛ්‍ය වෛද්‍ය නිළධාරීන් අතර මනා සමෝධානයක් පවත්වා ගැනීම
- ඉහළ සත්කාර මට්ටම් සදහා යොමුකිරීම විධිමත් කිරීම
- ප්‍රාථමික සෞඛ්‍ය සත්කාර සදහා මූල්‍ය ප්‍රතිපාදන වැඩිකිරීම
- ඖෂධ උපකරණ ඇතුළු සේවා සැපයුම් ජාලා ශක්තිමත් කිරීම
- අවධානම් සාධක හදුනාගැනීමේ රසායනාගාර තාක්ෂණික සේවා පුලුල් කිරීම
- මෙම සේවාවන් සදහා පුරවැසි සහභාගීත්වය පුළුල් කිරීම
සාමාන්‍ය අධ්‍යාපන නව්‍යකරණ ව්‍යාපෘතිය (GEM)
| අරමුණු |
සාමාන්‍ය අධ්‍යාපනයෙහි ගුණාත්මකභාවය වැඩිදියුණුකිරීම සහ කළමනාකාරීත්වය ශක්තිමත් කිරීම
|
| ණය ආධාර ලබාදෙන ආයතනය |
ලෝක බැංකුව (WB), ශ්‍රී ලංකා රජය (GOSL) |
| ව්‍යාපෘති කාලය |
2018 අප්‍රේල් සිට 2024 ජූනි මස දක්වා |
| ක්‍රියාත්මක ප්‍රදේශ |
සියළුම පළාත් සභා ආවරණය කරමින් රට පුරා ක්‍රියාත්මක වේ |
ව්‍යාපෘති කාර්යභාරය
ලෝක බැංකු අධාර මඟින් ක්‍රියාත්මක කරනු ලබන සාමාන්‍ය අධ්‍යාපන නව්‍යකරණ ව්‍යාපෘතියෙහි අරමුණ වන්නේ ප්‍රාථමික සහ ද්විතියික අධ්‍යාපනයෙහි ගුණාත්මකභාවය වැඩිදියුණුකිරීම සහ කළමනාකාරීත්වය ශක්තිමත් කිරීමයි. ශ්‍රී ලංකා රජයේ අධ්‍යාපන අංශ සංවර්ධන රාමු වැඩසටහන අනුව මෙම ව්‍යාපෘතියේ සංරචක නිර්මාණය වී තිබේ. ව්‍යාපෘතිය සතුව සංරචක තුනක් පවතියි. එනම්;
1 වන සංරචකය
ප්‍රාථමික සහ ද්විතියික අධ්‍යාපනයෙහි ගුණාත්මකභාවය වැඩිදියුණුකිරීම සහ කළමනාකාරීත්වය ශක්තිමත් කිරීමේ අරමුණ වන්නේ ප්‍රාථමික සහ ද්විතියික අධ්‍යාපනයෙහි ගුණාත්මකභාවය වැඩිදියුණුකිරීම සහ කළමනාකාරීත්වය ශක්තිමත් කිරීම සඳහා සිදුකරනු ලබන පහත සඳහන් කටයුතු ක්‍රියාත්මක කිරීමයි.
- විෂය නිර්දේශ නව්‍යකරණය සහ විවිධාංගීකරණය
- ගුරුවරුන් සංවර්ධනය කිරීම
- පද්ධති මට්ට‌ෙම් තත්ත්ව තක්සේරුව
- පාසල් සංවර්ධනය සඳහා වැඩිදියුණු කළ වැඩසටහන
- අධ්‍යාපන නායකත්වය සහ කළමනාකරණය ශක්තිමත් කිරීම
- අධ්‍යාපනය තුළින් සමාජ සමානාත්මතාවය සහ අන්තර්ගතකරණය වර්ධනය කිරීම
2 වන සංරචකය
ව්‍යාපෘති මෙහෙයුම් සහ තාක්ෂණික සහාය ලබාදීම
3 වන සංරචකය
අවිනිශ්චිත හදිසි ප්‍රතිචාර දැක්වීම
ව්‍යාපෘතියෙහි ප්‍රතිලාභීන්
මෙම ව්‍යාපෘතියෙහි ප්‍රධානතම ප්‍රතිලාභීන් වන්නේ පාසල් දරුවන්ය. මෙම ව්‍යාපෘතියෙන් ප්‍රතිලාභ ලබන තවත් වැදගත් පාර්ශවයක් වන්නේ පාසල්වල අධ්‍යයන සහ කළමනාකරණ කාර්ය මණ්ඩලයයි. මීට අමතරව මධ්‍ය කාලින වශයෙන් මෙම ව්‍යාපෘතිය මඟින් ලැබෙන ප්‍රතිලාභ ඔස්සේ තාක්ෂණික අධ්‍යාපන , වෘත්තීය පුහුණු ආයතන සහ වෙනත් උසස් අධ්‍යාපන ආයතන සඳහා මනා ලෙස සූදානම් කළ සිසුන් ඇතුළත් වේ. දීර්ඝ කාලීන වශයෙන් රාජ්‍ය සහ පෞද්ගලික අංශ සේවා යෝජකයන්ට වඩා හොඳ අධ්‍යාපනයක් ලද පුද්ගලයන් සේවයේ යෙදවීමට හැකි වන බැවින් ෙමම ව්‍යාපෘතිය මඟින් එම අංශ වෙත දීර්ඝ කාලීන ප්‍රතිලාභ හිමි වේ. අවසන් වශයෙන් ව්‍යාපෘතිය යටතේ භාණ්ඩ හා සේවා සපයන කර්මාන්ත හා ව්‍යාපාරික ආයතන වෙත ද මෙම ව්‍යාපෘතිය මඟින් ප්‍රතිලාභ හිමි වේ.
ව්‍යාපෘතිය ක්‍රියාත්මක කිරීම
මෙම ව්‍යාපෘතිය අධ්‍යාපන අමාත්‍යාංශය විසින් ජාතික මට්ටමෙන් ක්‍රියාත්මක කරනු ලබන අතර පළාත් මට්ටමෙන් ක්‍රියාත්මක කරනු ලබන්නේ පළාත් සභා විසිනි. ව්‍යාපෘතියෙහි පළාත් සංරචකය සඳහා සම්බන්ධීකරණ කටයුතු ඉටු කරනු ලබන්නේ රාජ්‍ය සේවා, පළාත් සභා හා පළාත් පාලන අමාත්‍යාංශය විසිනි.
නැගී එන ප්‍රදේශවල ග්රාමීය යටිතල පහසුකම් සංවර්ධන ව්‍යාපෘතිය(RIDEP)
| අරමුණු |
උතුරු, නැගෙනහිර, උතුරු මැද සහ ඌව පළාත්වල, ග්රාමීය මාර්ග, මධ්‍යම හා කුඩා ප්‍රමාණ වාරිමාර්ග සහ පානීය ජල සම්පාදන පහසුකම් වැනි මූලික යටිතල පහසුකම් මගින් එම පළාත්වල ජීවත්වන ජනතාවගේ ජීවන තත්ත්වය ඉහළ නැංවීම සහ එමගින් ග්රාමීය ආර්ථීක සංවර්ධනය සඳහා දායකවීම සහ ප්‍රාදේශීය විෂමතා අවම කිරීම. |
| ණය ආධාර ලබාදෙන ආයතනය |
ජපන් ජාත්‍යන්තර සහයෝගිතා ආයතනය (JICA), ශ්‍රී ලංකා රජය (GOSL) |
| ව්‍යාපෘති කාලය |
2017 - 2023 |
| ක්‍රියාත්මක ප්‍රදේශ |
උතුරු පළාත, උතුරු මැද පළාත,ඌව පළාත සහ නැගෙනහිර පළාත |
ව්‍යාපෘති ක්රියාකාරකම්
- උප ව්‍යාපෘති - 524
- ග්රාමීය මාර්ග ප්‍රතිසංස්කරණය - 275
- වාර්මාර්ග පහසුකම් ඉදිකිරීම් හා ප්‍රතිසංස්කරණය - 151
- පානීය ජල සම්පාදනය - 98
ව්‍යාපෘති ප්‍රදේශ තෝරාගැනීමේදී පදනම් කරගත් නිර්ණායක
පළාත් මට්ටමින් දළ දේශිය නිෂ්පාදනයට දක්වන දායකත්ව මට්ටම (GDP Share index) ප්‍රාදේශිය සභා/පළාත් පාළන ආයතන බලප්‍රදේශවල දරිද්‍රතා මට්ටම
පළාත් මාර්ග වැඩි දියුණු කිරීමේ ව්‍යාපෘතිය (TCAMP)
| ණය ආධාර ලබාදෙන ආයතනය |
ලෝක බැංකුව (WB), ශ්‍රී ලංකා රජය (GOSL) |
| ව්‍යාපෘති කාලය |
2019 මැයි සිට 2023 ජූනි දක්වා |
| ක්‍රියාත්මක ප්‍රදේශ |
සියළුම පළාත් ආවරණය කරමින් රට පුරා ක්‍රියාත්මක වේ |
හැඳින්වීම
මෙම ව්‍යාපෘතිය මූලික වශයෙන් ලෝක බැංකු ණය යටතේ 2016 වර්ෂයේදී, ඛනිජතෙල් සම්පත් සංවර්ධන අමාත්‍යාංශය යටතේ ජා ඇල හලාවත මාර්ගයේ කිලෝමීටර් 52 ක් පුනරුත්ථාපනය සඳහා ලබාදුන් ඇමරිකානු ඩොලර් මිලියන 125 ක මුදල, එකී ව්‍යාපෘතියේ යෝජිත කටයුතු වෙනුවෙන් 2018 වර්ෂය තෙක්ම වියදම් නොවීම හේතුවෙන්, ව්‍යාපෘති ප්‍රතිව්‍යුහගත කිරිමකින් අනතුරුව ශ්‍රී ලංකාවේ පළාත් 9 සදහා එම පළාත් වලින් තෝරාගත් මාර්ග පුනරුත්ථාපනය වෙනුවෙන් යොදාගැනීමට ගත් තීරණයකට අනුව එකී මුදලින් ඇමරිකානු ඩොලර් මිලියන 109 ක් ප්‍රවාහන සම්බන්ධතා සහ වත්කම් කළමනාකරණ ව්‍යාපෘතිය සඳහා වැය කිරීමටත් අදාළ ව්‍යාපෘති ප්‍රතිව්‍යුහගත කිරීමේ ලියවිල්ලට අදාලව ව්‍යාපෘතිය ක්‍රියාවට නැංවීමටත් අදහස් කොට ඇත.
ඒ අනුව සෑම පළාතක් වෙනුවෙන්ම ඇමරිකානු ඩොලර් මිලියන 10ක මුදලක් එම තෝරාගත් පළාත් මාර්ග සංවර්ධනය වෙනුවෙන් ලබා දෙනු ඇත.
සුදුසු මාර්ග තෝරා ගැනීම සඳහා භාවිතා කරන නිර්ණායකයන් :
පොදු පහසුකම් සඳහා ලඟාවිය හැකි බව, කෘෂි කාර්මික නිමවුම් සහ යෙදවුම් ප්‍රවාහනයට පසසුකම් සැලසීම, අන්තර් පළාත් මාර්ග ජාලය හා සම්බන්ධ විය හැකි බව, බස් ගමන් කරන මාර්ගයක් වීම, පාසල්, සෞඛය වැනි විෂයයක් හා රජයේ ආයතනවලට සම්බන්ධ වීම, සංචාරක කටයුතුවලට භාවිතා කළ හැකි වීම, කාර්මික ජනපද / ආයෝජන කලාප සඳහා ප්‍රයෝජනවත් වීම, ආර්ථීක මධ්‍යස්ථාන සඳහා ළඟාවිය හැකි බව, ආපදාවක දී විකල්ප මාර්ගයක් ලෙස භාවිතා කළ හැකි වීම හා වාහන තද බදය අඩු කිරීමට උපයෝගී වීම
කෙසේ වෙතත් පවතින මාර්ග පුළුල් කිරීම හෝ ඊට අදාලව දේපොළ පවරා ගැනීම මෙම පළාත් මාර්ග සංවර්ධන ව්‍යාපෘතිය යටතේ සිදු කරනු නොලැබේ
ප්‍රවාහන සම්බන්ධතා සහ වත්කම් කළමනාකරණ ව්‍යාපෘතිය ක්‍රියාත්මක කිරීමෙහිලා මෙම අමාත්‍යාංශය යටතේ ව්‍යාපෘති කළමනාකරණ ඒකකයක් පිහිටුවා ඇති අතර, පළාත් තුල මෙම ව්‍යාපෘතිය ක්‍රියාත්මක කිරීම සඳහා ව්‍යාපෘති ක්‍රියාත්මක කිරීමේ ඒකක සහ එම කටයුතු අධීක්ෂණය සහ ව්‍යාපෘති ක්‍රියාත්මක කිරීම සඳහා උපදේශන ඒකකයක් බැගින් පිහිටුවා ඇත.
මෙම ඒකක සඳහා පළාත් මාර්ග සංවර්ධන දෙපාර්තමේන්තු සහ මාර්ග සංවර්ධන අධිකාරියේ දැනට සේවය කරන නිලධාරීන් මෙන්ම ඉන් පරිබාහිර නිලධාරීන් ද අදාල බඳවා ගැනීම ක්‍රමවේදයන්ට අනුකුල වන සේ බඳවා ගෙන ඇත.
අදාල තෝරාගත් මාර්ග අදියර දෙකකින්ද සැම අදියරක් සඳහා පියවර දෙකකින්ද සමන්විත වන පරිදි කොන්ත්‍රාත් පැකේජයන් සකස් කොට සියලුම පළාත් ආවරණය වෙන පරිදි පෙළ ගස්වා ඒ අනුව සංවර්ධනය කටයුතු ක්‍රියාත්මක කිරීමට සැලසුම් කර ඇත.
ප්‍රාදේශීය සංවර්ධන සහායක ව්‍යාපෘතිය (LDSP)
| ව්‍යාපෘති අරමුණ |
පළාත් පාලන ආයතනවල හැකියාවන් ශක්තිමත් කිරීම හා එම ප්‍රදේශවල ආර්ථික යටිතල පහසුකම් සංවර්ධනය කිරීම මඟින් වගකීමෙන් හා වගවීමෙන් යුතු පළාත් පාලන සේවාවක් මහජනතාවට සැපයීම. |
| ණය ආධාර ලබාදෙන ආයතනය |
ලෝක බැංකුව (WB), යුරෝපා සංගමය (EU), ශ්‍රී ලංකා රජය (GOSL) |
| ව්‍යාපෘති කාලය |
2019 ජුනි සිට 2022 දෙසැම්බර් දක්වා |
| ක්‍රියාත්මක ප්‍රදේශ |
උතුර, නැගෙනහිර, උතුරු මැද හා ඌව පළාත් සභා |
හැඳින්වීම
පළාත් පාලන ක්ෂේත්‍රය ශක්තිමත් කිරීම සඳහා ක්‍රියාත්මක වූ උතුරු නැගෙනහිර පළාත් පාලන සේවා වැඩිදියුණු කිරීමේ ව්‍යාපෘතිය (NELSIP) 2017 වසරේ අවසන් වීමත් සමඟ එමගින් පළාත් පාලන ක්ෂේත්‍රයට ලබා දුන් ප්‍රතිඵල මත “ප්‍රාදේශීය සංවර්ධන සහායක ව්‍යාපෘතිය” තව දුරටත් පළාත් පාලන ක්ෂේත්‍රය ශක්තිමත් කිරීමේ අරමුණ ඇතිව 2018 වසරේ සිට මූලික කටයුතු ආරම්භ කරන ලදී. මෙම ව්‍යාපෘතිය සඳහා රජය විසින් ලෝක බැංකු සහන ණය ආධාරයක් ලබා ගැනීමට ලෝක බැංකුව හා රජය අතර ව්‍යාපෘති ගිවිසුම 2019 .05.14 දින අත්සන් කළ අතර, 2019.06.30 දින සිට ව්‍යාපෘතිය ආරම්භ කරන ලදී.
පළාත් සභා හා පළාත් පාලන කටයුතු රාජ්‍ය අමාත්‍යාංශය විසින් මෙම ව්‍යාපෘතිය අධීක්ෂණය කරනු ලබයි. එහි ව්‍යාපෘති ක්රියාකාරකම් අදාළ පළාත් සභා හරහා සිදු කරනු ලබන අතර ඒ ඒ පළාත් පාලන ආයතන විසින් උප ව්‍යාපෘති ක්‍රියාත්මක කරනු ලැබේ. එම නිසා ව්‍යාපෘති කළමනාකරණ කටයුතු සඳහා ව්‍යාපෘති සම්බන්ධීකරණ ඒකකය මෙම අමාත්‍යාංශය යටතේ ව්‍යාපෘති ක්‍රියාත්මක කිරීමේ ඒකක 4 ක් අදාළ පළාත් සභා තුළ ස්ථාපිත කර ඇත.
ව්‍යාපෘතිය ක්‍රියාත්මක වන ප්‍රදේශ
මෙම ව්‍යාපාතිය මඟින් උතුර, නැගෙනහිර, උතුරු මැද හා ඌව පළාත් වල සියළුම දිස්ත්‍රික්ක හා පළාත් පාලන ආයතන ආවරණය කෙරේ. ඒ අනුව පළාත් 4ක්, දිස්ත්‍රික් 12ක් හා පළාත් පාලන ආයතන 134ක් මෙම ව්‍යාපෘතියට ඇතුළත් වේ.
ව්‍යාපෘතිය යටතේ ක්‍රියාත්මක කළ හැකි උප ව්‍යාපෘති
ග්රාමීය මාර්ග, ග්රාමීය පාලම්/ බෝක්කු, ග්රාමීය සතිපොළ/ වෙළඳ මධ්‍යස්ථාන, අපජල පවාහන පද්ධති, සෞඛ්‍ය මධ්‍යස්ථාන, ළමා උද්‍යාන, පෙර පාසල්, පොදු රථගාල්, බහුකාර්ය ගොඩනැගිලි, පානීය ජල සම්පාදන ව්‍යාපෘති සහ පළාත් පාලන විෂයයට වැටෙන ප්‍රතිඵලදායී ව්‍යාපෘති.
ව්‍යාපෘති සංරචක
මෙම ව්‍යාපෘතිය ප්‍රධාන සංරචක 5කින් සමන්විත වේ. ඒවා පළාත් පලාන සැලසුම් ක්‍රමවේදය ශක්තිමත් කිරීම, පළාත් පාලන සේවා හා ආර්ථික යටිතල පහසුකම් වැඩිදියුණු කිරීම, ආයතනික සංවර්ධනය, ව්‍යාපෘති කළමනාකරණය හා හදිසි අවස්ථා ප්‍රතිචාර ලෙස හැඳින්විය හැක.
සංරචක ක්‍රියාත්මක වන ආකාරය
- පළාත් පාලන සැලසුම් ක්‍රමවේදය ශක්තිමත් කිරීම. - මෙම සංරචකය යටතේ පළාත් පාලන ආයතනය සඳහා සිව් අවුරුදු සහභාගිත්ව සංවර්ධන සැලැස්මක් සකස් කරනු ලැබේ. මේ සඳහා පළාත් පාලන කොට්ඨාශ මට්ටමේ අවශ්‍යතා හඳුනා ගැනීමක් ජනතාව, නිලධාරීන් හා දේශපාලන අධිකාරිය යන තුන් පාර්ශවයන් සම්බන්ධ වීමෙන් සිදු කරනු ලැබේ. එම කොට්ඨාශ අවශ්‍යතා තක්සේරුව යොදා ගනිමින් පළාත් පාලන ආයතන සංවර්ධන සැලැස්ම සකස් කරයි. මෙම සැලසුම් වාර්ෂිකව යාවත්කාලීන කරනු ලබයි.
- පළාත් පාලන සේවා හා ආර්ථික යටිතල පහසුකම් වැඩිදියුණු කිරීම. - මෙම සංරචකය මඟින් පළාත් පාලන ආයතන සඳහා අරමුදල් අදාළ පළාත් සභා හරහා නිකුත් කරයි. එම අරමුදල් යොදා ගනිමින් ඉහත සංරචකය යටතේ හඳුනාගත් ප්‍රමුඛ උප ව්‍යාපෘති ක්‍රියාත්මක කරනු ලැබේ. මේ සඳහා වර්ෂයේ අවස්ථා 2කදී එනම්, මාර්තු හා සැප්තැම්බර් මාසවලදී අරමුදල් ඒ ඒ පළාත් පාලන ආයතන සඳහා නිශ්චිත ක්‍රමවේදයකට අනුව නිදහස් කෙරේ. ඊට අමතරව හඳුනා ගන්නා ලද ආර්ථික යටිතල පහසුකම් සංවර්ධන ව්‍යාපෘති ක්‍රියාත්මක කිරීම සඳහා එක් එක් පළාත් වලට රු.මි. 360ක් පමණ මුදලක් මෙම සංරචකය යටතේ ලබා දෙනු ලැබේ.
- ආයතනික සංවර්ධනය - මානව සම්පත් හා භෞතික සම්පත් වල ධාරිතා සංවර්ධනය මුලික වශයෙන් මෙම සංරචකය යටතේ සිදු කරයි. ඒ අනුව පළාත් පාලන ආයතන මට්ටමින්, දිස්ත්‍රික්, පළාත් හා ජාතික මට්ටමේ ධාරිතා සංවර්ධන පුහුණු හා ආයතනික සංවර්ධන වැඩසටහන් ක්‍රියාත්මක කරයි. විශේෂයෙන් සැලසුම්කරණය, ප්‍රසම්පාදන, මූල්‍ය, සමාජීය හා පාරිසරික, දුක් ගැනවිලි සමතකරණය, ඉංජිනේරු, තාක්ෂණික වැනි ක්ෂේත්‍ර ඔස්සේ විවිධ ආකාරයේ වැඩසටහන් ක්‍රියාත්මක කිරීමට සැලසුම් කර ඇත.
- ව්‍යාපෘති කළමනාකරණය - මේ යටතේ ව්‍යාපෘතිය ක්‍රියාත්මක කිරීම සඳහා අවශ්‍ය පහසුකම් සලසාලීම සහ විගණනය කටයුතුද සිදු කරනු ලබයි.
- හදිසි අවශ්‍යතා ප්‍රතිචාර - මෙම සංරචකය මඟින් හදිසි අවස්ථා, වසංගත තතත්වයන් සහ ගංවතුර, නියඟයන් වැනි ස්වාභාවික උවදුරු වලදී සුදුසු පරිදි අරමුදල් සැපයීම සිදු කරයි.
|
